<正宗麻辣火鍋🤤> 原來係廟街後面有一間好抵食嘅麻辣火鍋，配料價錢唔算好貴😍一大班人食啱哂！入面有啲國內風格，播住懷舊金曲，別有一番風味🤣 鴛鴦湯底 $148 有馬來沙嗲湯，麻辣牛油紅湯(微辣)好正！！唔算好麻辣！但已經夠哂味了😗 蜂巢豆腐 $28 同街邊嘅有分別，佢係豆皮咁，吸哂啲湯，好好食！！不過放麻辣個邊就太刺激了🤣 西班牙黑豚肉 $98 好新鮮粉嫩呀!!而且唔算好肥！！ 中山脆肉腩 $68 性價比非常高！一碟份量多，而且仲要舊舊都脆卜卜㗎！！ 特級牛胸爽 $88 鐘意食爽口脆脆地嘅就必試啦！唔重牛味，而且唔會好肥！正！ 油麥菜 $28 價錢okay!!質素都可以，好嫩！ 美國肥牛 $98 算平呀！！而且肥肉均勻，打卡亦啱哂！！ 最後叫咗紅糖糍粑 $48 好食😋煙煙韌韌，入面有蔗糖添呀！！不過多啲糖會更好食！！！ 埋單發現原來會收紙巾錢$10, 茶位每位$15🙈要留意喔！ ================ 山城毛兒老火鍋 (佐敦) 佐敦上海街152號地舖 ================ #甜蜜負荷